Pushimet nga puna në kompaninë “Twitter” ndikuan te menaxherët e produkteve, shkencëtarët e të dhënave dhe inxhinierët që punuan në mësimin e makinerive dhe besueshmërinë e faqes, gjë që ndihmon në mbajtjen e veçorive të ndryshme të Twitter në internet.

Twitter nuk iu përgjigj menjëherë një kërkese të Reuters për koment.

Kompania ka një numër prej rreth 2,300 punonjësish aktivë, sipas Musk muajin e kaluar.

Shkurtimet e fundit të vendeve të punës pasojnë një pushim masiv nga puna në fillim të nëntorit, kur Twitter pushoi rreth 3,700 punonjës në një masë të uljes së kostove nga Musk, i cili kishte blerë kompaninë për 44 miliardë dollarë.

Musk tha në nëntor se shërbimi po përjetonte një “rënie masive të të ardhurave” pasi reklamuesit tërhoqën shpenzimet mes shqetësimeve për moderimin e përmbajtjes.

Tëitter kohët e fundit filloi të ndajë të ardhurat nga reklamat me disa nga krijuesit e tij të përmbajtjes.

Më herët gjatë ditës, The Information raportoi se platforma e mediave sociale pushoi nga puna dhjetëra punonjës të shtunën, duke synuar të kompensojë një rënie të të ardhurave.