Shumë njerëz mendojnë se miqësitë e vërteta egzistojnë e shumë të tjerë mendojnë se një ditë të gjithë tradhtojnë pas shpine.

Sigurisht, duhet të jeni shumë të kujdesshëm kur vendosni se kujt t’i besoni. Është mirë të kesh një mik të përjetshëm, por kur takon njerëz të rinj, bashkëpunëtorë dhe miq, përshtypja e parë shpesh mund të jetë e gabuar, prandaj kini kujdes se çfarë ndani me të.

Këtu janë disa lloje njerëzish që nuk duhet t’u besoni shumë:

Thashethemaxhijtë

Mos u mashtroni nga vëmendja dhe biseda e tyre e ëmbël. Gjithçka që ju thonë për të tjerët, ata u tregojnë të tjerëve për ju. Njerëz të tillë nuk janë padyshim miqtë tuaj, ndaj bëni kujdes se çfarë u tregoni atyre.

Njerëzit naivë

Njerëzit e këtij lloji janë të sinqertë në qëllimin e tyre për të mbajtur një sekret, por ekziston një “por” – mendimi i tyre është i lehtë për t’u ndryshuar. Nuk mund t’u besoni atyre jo sepse nuk janë të mirë, por sepse janë të lehtë për t’u mashtruar dhe bindur.

Njerëzit impulsivë

Njerëz të tillë nuk duhet të jenë të këqij, por ata udhëhiqen nga instinktet. Ata mund të tradhtojnë pa dashje diçka që ju i keni thënë në besim të plotë. Më vonë ai do të pendohet dhe do të kërkojë falje, por dëmi tashmë do të jetë bërë.

Egoistët

E veçanta e njerëzve të tillë është se ata janë të fiksuar pas fuqisë dhe suksesit të tyre. Ata mendojnë vetëm për interesat e tyre, nuk e vendosin veten kurrë në vend të të tjerëve.

Moralistët

Njerëzit e këtij lloji pëlqejnë të flasin për atë që është e drejtë dhe çfarë jo. Ata mendojnë se kanë të drejtë t’i bëjnë të tjerët të mendojnë se si të jetojnë dhe sillen. Nëse njihni dikë të tillë, dijeni se ai nuk mund të jetë miku juaj, jo ai i vërtetë që mund t’i besoni vërtet.