Të gjithë kemi aplikuar për një vend pune, ku hap të radhës kishte intervistën.

Ne mundohemi të përgatitemi sa më shumë teorikisht, por ka disa “hile” që punëdhënësi përdor për të testuar nëse kandidati që po interviston, është i duhuri, jo vetëm nga ana e profesionit, por edhe për përshtatshmërinë në kompani.

• Kandidati prezantohet me të gjithë ekipin.
  Është e mundur që shefi t’i ofrojë kandidatit një shans për të komunikuar me kolegët e tij të mundshëm pas intervistës.
  Mund të jetë në zyrë ose pas punës.
  Ky nuk është një gjest i thjeshtë i sjellshëm, është mënyra e punëdhënësit për të fituar opinionet e punonjësve për kandidatin.

 

•  Punëdhënësi befas fillon të sillet në një mënyrë të çuditshme.
  Një truk tjetër është kur intervistuesi fillon të sillet çuditërisht.
  Kandidati mund të injorohet nga intervistuesi, ose duke parë ekranin e kompjuterit të tij ose duke iu përgjigjur një telefonate dhe duke u larguar nga dhoma në mes të intervistës.
  Ky truk mund të tregojë se si kandidati do të ripërqendrojë vëmendjen e intervistuesit ose çfarë mënyrash do të përdorë për të dalë nga kjo situatë.

 

• Intervistuesi bën një kërkesë të çuditshme dhe ju kërkon të hidheni nga dritarja.
  Një tjetër surprizë e pakëndshme për një punëkërkues mund të jetë fshehja pas një kërkese të çuditshme, si të kërcejë nga dritarja, për shembull.
  Në këtë rast, punëdhënësi dëshiron të shohë aftësinë e kandidatit për të përdorur të menduarit “jashtë kutisë”.
  Mund të përdorni mënyrën e mëposhtme për të dalë nga kjo situatë.
  Hipni në dritare, por hidhuni në dyshemenë e dhomës ku po zhvillohet intervista.
  Askush nuk sqaroi se ku duhet të zbarkohesh.
  Ose mund ta “tronditni” shefin duke bërë pyetjen me një opsion fitues: “Si do të përfitojë kompania nga ky kërcimi im?”

 

•  Shefi ju mban qëllimisht në pritje.
  Situata mund të jetë shumë më e vështirë nëse intervista caktohet në orën 9 të mëngjesit, por kur kandidati vjen herët në zyrë, punëdhënësi është ende i zënë dhe punëkërkuesi duhet të presë për 10 minuta.
  Dhe pastaj 10 minuta të tjera.
  Dhe pastaj 15 minuta të tjera.
  Ky truk mund të tregojë se sa i qëndrueshëm emocionalisht është kandidati në situata stresuese dhe sa duan ta marrin këtë pozicion në përgjithësi.

 

•  Ju ofrohet një filxhan kafe për një arsye.
  Kohët e fundit testi i “filxhanit të kafesë” po fiton popullaritet në mesin e punëdhënësve.
  Në fillim të intervistës, shefi ofron një filxhan kafe.
  Pas intervistës, punëdhënësi shikon me kujdes se çfarë do të bëjë kandidati me filxhanin, do të pyesë se ku ta vendosë apo thjesht do ta lërë filxhanin në tavolinë.

 

*Tibo News