4 filmat më të frikshëm për adhuruesit e horrorit
Duke pasur parasysh çfarë përfshijnë filmat e zhanrit horror, audienca e tyre është specifike.
Ata kanë zgjedhur disa nga filmat më të frikshëm që mund t’i zgjidhni nëse jeni adhurues i tyre.
I konsideruar si një nga filmat më të frikshëm të të gjitha kohërave, “The Exorcist”, ka të bëjë me historinë e tmerrshme të dymbëdhjetë vheçares Regan, e cila pushtohet nga një demon dhe si e tillë ajo dhe nëna e saj Chris, kalojnë një ferr të vërtetë.
Shumë momente në këtë film janë ikonike dhe nëse nuk e keni parë ju vetë filmin, shanset që mos të keni informacion për të, janë të pakta.
“The Exorcist” tronditi audiencën që në momentin kur u publikua në vitin 1973 e madje qëndron ende edhe sot.
Bazuar në romanin e vitit 2011 nga Adam Nevill, “The Ritual” na çon në shkretëtirën suedeze, ku katër miqtë shkojnë në shëtitje për nder të mikut të tyre të vdekur Rob.
Njëri prej tyre është rrënuar nga makthet, duke parë përsëritjen e natës së vdekjes së papritur, të cilën ai e pa dhe mund ta kishte parandaluar.
Udhëtimi bëhet më sfidues kur djemtë debatojnë, lëndohen dhe marrin rrugë të shkurtra që thjesht i humbasin.
Me një krijesë të mbinatyrshme që i gjuan dhe një pyll të mbushur me simbole misterioze të magjisë, ata duhet të bëjnë gjithçka që munden për të mbijetuar.
Me regji të James Wan, “The Conjuring” është një film horror i vlerësuar në masë nga kritikët.
Wan na dha një nga filmat më të mirë të atij lloji për dekadat e fundit.
“The Conjuring” ndjek hetuesit paranormalë Ed dhe Lorraine Warren.
Është një film horror i modës së vjetër që balancon bukur frikën me pritjen ankthioze.
Wan na dha një nga filmat më të mirë të atij lloji për dekadat e fundit si dhe e ndoqi atë me “The Conjuring 2”, i cili është po aq i frikshëm.
Refugjatët sudanez jugor Bol dhe Rial zhvendosen në shtëpinë e tyre të re jashtë Londrës.
Ndërkohë që ka një ndjenjë lehtësimi që ata tani kanë një çati mbi kokë, është e vështirë të përshtaten me këtë jetë të re për arsye reale e gjithashtu të tmerrshme.
“His House” eksploron përvojën e emigrantëve dhe udhëtimin e mundimshëm të azilkërkuesve, por për t’i bërë gjërat edhe më keq, ata duhet të luftojnë kundër shpirtrave brenda mureve të shtëpisë së tyre.
