Shpresat për të gjetur njerëz të mbijetuar pas sulmit të kryer këtë të shtunë nga Rusia në Dnipro të Ukrainës janë shuar.

Dhjetëra viktima janë konfirmuar teksa grupet e emergjencës vijonin operacionet e kërkim shpëtimit këtë të dielë.

Sulmi i cili goditi  një bllok banimi zuri nën rrënoja me qindra banorë teksa disa prej tyre arritën të shpëtoheshin pas 18 orësh.

Numri i të vdekurve mund të rritet më tej me 30 persona që trajtohen në spital, përfshirë fëmijë të vegjël.

Në një deklaratë të dielën në lidhje me sulmet e ditës së mëparshme, ministria ruse e mbrojtjes nuk e përmendi Dnipro si një objektiv specifik.

Temperaturat e ulëta kanë ndikuar në vijimin e operacioneve të kërkim shpëtimit.

Në fjalimin e tij të përditshëm që prej nisjes së luftës, presidenti i vendit Volodymir Zelenskiy u zotua se operacionet e kërkim shpëtimit do të vijojnë.

Rusia lëshoi dy valë raketash në Ukrainë të shtunën duke goditur objektiva në të gjithë vendin.

*TiboNews