AlbanianEnglish

Përmbyllen me sukses “Ditët olimpike”, Presidenti i KOKSH: Synojmë afrimin e të rinjve me sportin në shkolla

Komiteti Olimpik Kombëtar Shqiptar si dhe Akademia Olimpike realizuan më 31 maj në Sheshin Nënë Tereza të Tiranës, një ditë olimpike, e cila mbylli gjithë rrugëtimin e ditëve olimpike nëpër Shqipëri që patën nisur më datë 6 maj.

Organizimi mbante emrin “Stafeta e vlerave Olimpike” dhe synonte kalimin e vlerave olimpike nga sportistët elitarë te të rinjtë. Çelja e eventit u përshëndet nga Presidenti i KOKSH, Fidel Ylli, Ministrja e Arsimit dhe Sportit Evis Kushi dhe zyrtarë të tjerë lokal.

Teksa përmendi sukseset e peshëngritësve Evangjeli Veli dhe Erkand Qerimaj, të cilët u vlerësuan me medalje ari në europian, Presidenti Ylli tha se në mbështetje të qeverisë është planifikuar një projekt madhor që sporti t’i afrohet më tepër të rinjve në shkolla.

“Stafeta e vlerave Olimpike” përkoi me çeljen e turit të 79-të çiklistik të Shqipërisë me 95 sportistë pjesëmarrës nga 13 shtete të botës. Në përmbyllje të ceremonisë, nxënësit realizuan një xhiro me biçikleta së bashku me sportistët profesionistë.

You don't have permission to register