Me qindra fluturime u anuluan në SHBA mëngjesin e kësaj të mërkure pasi një defeki që goditi sistemin kompjuterik të Administratës Federale të Aviacionit.

Presidenti amerikan, Joe Biden, është informuar për ndërprerjen e fluturimeve dhe Shtëpia e Bardhë tha se nuk ka prova të një sulmi kibernetik deri tani.

Biden ka bërë thirrje për një “hetim të plotë mbi shkaqet” e kësaj ndërprerje.

Gjatë kësaj kohe, rreth 4.600 fluturime u shtynë, ndërsa rreth 800 të tjera u anuluan.

Administrata Federale njoftoi vazhdimisht se po punohej për të rivendosur sistemin që paralajmëronte pilotët për rreziqet e mundshme në rrugët e fluturimit.

Sipas dëshmive zyrtare operacionet në të gjithë Sistemin Kombëtar të Hapësirës Ajrore u prekën.

Pas disa orësh trafiku ajror në Shtetet e Bashkuara të Amerikës iu rikthye normalitetit dhe defekti u rregulla.

*TiboNews