Mediat ndërkombëtare kanë raportuar se gjigandi i teknologjisë Microsoft planifikon të shkurtojë me mijëra vende pune në sektorë të ndryshëm.

Pushimet nga puna të punonjësve në sektorin e teknologjisë nga Microsoft pasojnë lëvizjet e njëjta edhe nga kompani të tilla si Amazon apo Meta të cilat kanë ndërmarrë të njëjtin veprim.

SkyNews në Mbretërinë e Bashkuar duke cituar burimet e saj ka deklaruar se Microsoft do të pushojë nga puna 5% të fuqisë së saj punëtore ose rreth 11 mijë  njerëz.

Sipas raportimeve paraprake pritet që kjo lëvizje të prek kryesisht inxhinierët dhe stafin e rekrutimit brenda kompanisë.

Microsoft është nën presion për të ruajtur ritmet e rritjes në njësinë e saj cloud Azure, pas disa tremujorësh rënieje në tregun e kompjuterëve personalë që dëmtuan shitjet e Windows dhe pajisjeve të ndryshme.

Gjiganti i teknologjisë nuk pranoi të komentojë mbi raportet për shkurtimet e vendeve të punës.

Analistët thonë se kjo lëvizje e kompanisë tregon se sektori i teknologjisë po lufton nga kërkesa më e ngadaltë dhe do të vazhdojë të shkurtojë vendet e punës.

*TiboNews