Me mijëra njerëz janë mbledhur këtë të enjte në Vatikan për të ndjekur nga afër ceremoninë kishtare të varrimit të Papës Emeritus Benedikti XVI.

Teologu gjerman i cili humbi jetën në natën e ndërrimit të viteve në moshën 95 vjeçare, ka bërë histori duke u tërhequr nga drejtimi i Kishës Katolike.

Ceremoninë e varrimit të tij e udhëhoqi Papa Françesku.

Gjatë ceremonisë, Papa Françesku, përmendi fjalët e fundit të Krishtit: “At, në duart tuaja ta dorëzoj shpirtin tim”.

Sipas autoriteteve, ceremoninë në sheshin e Shën Pjetrit në Vatikan e kanë ndjekur deri në 100.000 persona.

Në këtë ngjarje morën pjesë krerë të shteteve dhe përfaqësues të mbretërive, pavarësisht se Benedikti kishte kërkuar që varrimi i tij të mos ishte një ngjarje e madhe.

Vetëm Italia dhe Gjermania ishin ftuar që të dërgojnë delegacione zyrtare dhe presidenti gjerman, Frank-Walter Steinmeier dhe ai italian, Sergio Mattarella, kanë konfirmuar pjesëmarrjen e tyre.

Përveç tyre, në ceremoninë e varrimit u ftuan edhe krerët e disa qeverive, katër kryeministra dhe dy delegacione të familjeve mbretërore.

Afër 200.000 persona bënë nderime para arkivolit të Benediktit gjatë tre ditëve të kaluara më Bazilikën e Shën Pjetrit.

*TiboNews