90 milje në veri të Kievit u varrosën qindra civilë në arkivole të improvizuara. Familjet mbajtën funerale masive, nga frika se mund të vriteshin nëse do të qëndronin në varreza. Uji dhe energjia elektrike ishin pothuajse tërësisht të ndërprera dhe asnjë ndihmë nuk mund të hynte.

Më shumë se gjysma e popullsisë së qytetit të paraluftës u larguan. Ata që qëndruan pas kaluan pjesën më të madhe të pesë javëve të fundit të grumbulluar nën tokë ndërsa forcat ruse goditën lagjet e banuara me raketa. Numri i viktimave të civilëve mbetet i paqartë, por kryebashkiaku i qyetit tha se qyteti varrosi deri në 100 njerëz në një ditë të vetme.

Chernihiv, një kryeqytet rajonal, është qyteti më i madh ukrainas i rrethuar nga trupat ruse për t’u rikthyer nën kontrollin e plotë të Ukrainës, megjithëse banorët po përgatiten për atë që ata kanë frikë se mund të jetë një kthim rus në ditët në vijim.

Të hënën, ditën e parë që u rihap një rrugë nga Kievi në Chernihiv, banorët përshkruan dhunën dhe brutalitetin e ushtarëve rusë.

Banorët e një fshati afër Chernihiv thanë se të dielën dhe të hënën ata varrosën 12 civilë dhe se punëtorët humanitarë hoqën më shumë se 100 trupa, kryesisht ushtarë, rusë dhe ukrainas. Ata thanë se shumica e rusëve u tërhoqën nga një kishë shekullore që e kishin përdorur si vend për të fjetur. Ai ishte djegur pjesërisht pasi një sulm me dron ukrainas goditi një grumbull armësh pranë tij.

Rusët e fundit u larguan nga afërsia e qytetit vetëm disa ditë më parë.