Apple ka paralajmëruar se mund të marrë një goditje tek shitjet deri në 8 miliardë dollarë për shkak të pengesave të zinxhirit të furnizimit gjatë tremujorit të fundit.

Aksionet ranë pasi drejtuesit paraqitën perspektivën e tyre pesimiste, duke rënë më shumë se dy për qind.

Biznesmeni italian pjesë e kompanisë, Luca Maestri ka paralajmëruar në një intervistë se bllokimet e COVID-19 në të gjithë Kinën kanë ndikuar në prodhimin.

Edhe lufta në Ukrainë po dëmton shitjet dhe rritja ngadalësohet në dy fusha që prodhuesi i iPhone i sheh si motori i tij për zgjerim.

Maestri thotë se kriza në Ukrainë, e cila e bëri Apple të ndalonte shitjet në Rusi, do të ulte më shumë shitjet në tremujorin e tretë.

CEO Tim Cook tha se pothuajse të gjitha fabrikat kineze që kryenin montimin përfundimtar të produkteve të Apple kishin rifilluar pas mbylljeve të fundit të COVID, por kompania nuk po parashikon se kur do të përfundojë mungesa e çipave.

Cook tha gjithashtu se ai shpresonte që çështjet e COVID do të ishin “kalimtare” dhe “të përmirësoheshin me kalimin e kohës”.

Të ardhurat e përgjithshme të tremujorit të dytë nga Apple ishin 97.3 miliardë dollarë, 8.6% më shumë nga viti i kaluar.

Kompania tha gjithashtu se tani ka 825 milionë abonentë që paguajnë në të paktën shtatë ofertat e saj të abonimit – si Apple Music dhe TV+ me 40 milionë nga tremujori i mëparshëm.