6 maj 2023 shënon 10-vjetorin e themelimit të kompanisë TIBO. Ishte viti 2013, kur në sajë të një vizioni modern, filloi rrugëtimi i kompanisë sonë, TIBO, e cila do të kthehej në pararendësen e fushës së teknologjisë televizive. Ajo u krijua me misionin për të ofruar shërbimet më të mira OTT/ IPTV për shqiptarët e të gjitha trojeve dhe sot, TIBO është ofruesja kryesore e shërbimeve IPTV Premium, duke qenë e pranishme në mbarë botën.

Me mbështetjen e abonentëve gjatë këtyre viteve dhe punën e pareshtur të specialistëve, TIBO ka evoluar njëkohësisht në funksion dhe qëllim. Kjo ndërthurje është një nga çelësat e suksesit të kompanisë sonë, sepse që në krijim, fokusi i saj ka qenë argëtimi dhe kënaqësia e të gjithë atyre që përdorin shërbimet e TIBO-s. Kompania ka vënë gjithmonë në plan të parë nevojat e klientëve dhe kjo ka shtuar vit pas viti abonentët besnikë, të cilët vazhdojnë të përdorin shërbimet e saj prej një dekade tashmë.

Sot ne jemi aktorët më të mëdhenj në industrinë e argëtimit televiziv, duke sjellë përmbajtje dhe cilësi të pakrahasueshme në ekranet e çdo shqiptari kudo në botë. Më së fundmi, TIBO ka përjetuar disa ndryshimet domethënëse, si fillimi i transmetimit brenda Shqipërisë, formimi i rrjetit tonë të internetit fibër dhe krijimi i kanaleve tona me përmbajtje origjinale që përfshin, midis shumë të tjerash, edhe transmetime ekskluzive të kampionateve më të ndjekura të futbollit dhe shumë evente të rëndësishme sportive.

Gjatë kësaj dekade, të mbushur me risi dhe arritje të pamenduara më parë, ne kemi hyrë në zemrën e shumë familjeve anembanë botës. Me mijëra shqiptarë kanë pasur përvoja me ne, qoftë përmes abonimeve tona TV, aplikacionit tonë MOBILE, apo edhe me shërbimin tonë të internetit FIBËR. Të gjitha këto shërbime që ne ofrojmë, kanë mundësuar që të ndajmë së bashku momente të shumta magjike, falë të cilave TIBO është kthyer në platformën e preferuar të shqiptarëve në çdo vend të botës.

Duke parë nga e ardhmja dhe si gjithmonë pararojë e zhvillimeve teknologjike, TIBO është akoma më e vendosur për të vazhduar rrugën e suksesit. Kompania jonë ka plane ambicioze për të shtuar shërbimet dhe për të zgjeruar gamën e risive, duke vazhduar të ofrojë përvojën më të mirë të mundshme të argëtimit për të gjithë abonentët.

Në këtë përvjetor të dhjetë, ne vijmë te ju me oferta dhe paketa të reja TIBO T dhe TIBO TT me çmime speciale duke filluar nga 4.99 € / muaj, si një ftesë për t’u bashkuar me ne në këtë festim dhe si një falënderim për mbështetjen tuaj gjatë viteve!

Paketa me e re TIBO T ju ofron të gjitha kanalet thelbësore me një çmim të pakrahasueshëm me paketën tonë bazë televizive! Ndërsa TIBO TT është paketa më e mirë e televizive për familjen me një gamë të gjerë kanalesh dhe programesh nga platforma TIBO, që plotësojnë preferencat e shikimit të të gjithëve.

Me TIBO, …se pa TIBO, ti s’bo