Anijet dhe avionët amerikanë dhe kanadezë kanë nisur kërkimet për një nëndetëse që u zhduk më shumë se një ditë më parë në brigjet e Kanadasë juglindore, ndërsa brenda ka turistë të cilët paguan për të eksploruar rrënojat e Titanikut në oqeanin e thellë.

Roja Bregdetare e SHBA-ve njofton se brenda nëndetëses janë 4 turistë-pasagjerë dhe piloti. Nëndetësja kishte kapacitetin për t’u zhytur për 96 orë, por është e paqartë nëse është ende nën ujë apo nëse ka dalë dhe nuk është në gjendje të komunikojë.

Anijet dhe avionët amerikanë dhe kanadezë kanë mbushur zonën rreth 900 milje (1,450 km) në lindje të Cape Cod, disa lëshojnë bova sonare që mund të monitorojnë deri në një thellësi prej (3,962 metra),

“Është një zonë e largët dhe është një sfidë për të kryer një kërkim në atë zonë të largët,” thonë autoritetet.

“Ne po vendosim të gjitha mjetet në dispozicion për t’u siguruar që ne mund të gjejmë anijen dhe të shpëtojmë njerëzit në bord,” tha ai. “ne do të vazhdojmë të fluturojmë me avionë dhe të lëvizim anije shtesë.”

Kompania private që operon nëndetësen, OceanGate Expeditions, tha në një deklaratë të hënën se po “mobilizonte të gjitha opsionet” për të shpëtuar ata që ishin në bord. Miliarderi britanik Hamish Harding është mes pasagjerëve, sipas një postimi në rrjetet sociale nga një i afërm.

Roja Bregdetare e SHBA-ve tha më herët në Twitter se anija në sipërfaqe – Princi Polar – humbi kontaktin me nëndetësen e quajtur Titan, rreth një orë e 45 minuta pasi ajo filloi të zhytej drejt vendit të rrënojave të Titanikut të dielën në mëngjes.

Sipas faqes së internetit të OceanGate, ekspeditat, të cilat kushtojnë 250,000 dollarë për person, fillojnë në St John’s, Newfoundland, përpara se të nisem përafërsisht 400 milje (640 km) në Atlantik për në vendin e rrënojave, sipas faqes së internetit të OceanGate.

Për të vizituar rrënojat, pasagjerët ngjiten brenda Titanit, nëndetëses me pesë persona, të cilit i duhen dy orë për të zbritur afërsisht (3,800 m) drejt Titanikut.

Anija britanike e pasagjerëve u përmbyt në vitin 1912 në udhëtimin e saj të parë pasi goditi një ajsberg, duke vrarë më shumë se 1500 njerëz. Historia është përjetësuar në libra jofiction dhe fiction, si dhe në filmin e vitit 1997 “Titanic”.