Kryeministrja e Zelandës së Re ka deklaruar se është koha për të nisur një kapitull të ri, pa kufizime ndaj Covid. Ajo njoftoi heqjen e të gjitha masave, megjithatë ka lënë në fuqi disa rregulla.

Zelanda e Re ishte ndër vendet që vendosi rregullat më të ashpra të pandemisë në botë.

Mbajtja e maskave nuk do të jetë më e detyrueshme në vendet publike dhe kërkesat për vaksina do të hiqen pas dy javësh, sipas ndryshimeve të shpallura nga kryeministrja Jacinda Ardern.

Sidoqoftë, qeveria po i qëndron një periudhe izolimi shtatë-ditor për njerëzit e infektuar, duke sfiduar thirrjet për të shkurtuar izolimin në pesë ditë.

Zelanda e Re pësoi një valë të madhe Omicron gjatë dimrit.

Numri i të vdekurve tani është 1950, duke u rritur nga rreth 50 në fillim të vitit dhe 500 katër muaj më parë.

Sidoqoftë, si numrat e rasteve ashtu edhe shtrimet në spital kanë rënë ndjeshëm në javët e fundit, duke i dhënë qeverisë besimin për të kaluar kufizimet e rënda.

Zelanda e Re mbajti rregullat e maskave në shumë vende, duke përfshirë shitjen me pakicë, transportin publik dhe aeroportet gjatë dimrit, kur “twindemia” e Covid-19 dhe gripit vunë në presion të madh sistemin shëndetësor.

Nga e marta, mbajtja e maskave do jetë e detyrueshme, vetëm në mjediset e kujdesit shëndetësor, me përjashtim të shërbimeve të shëndetit mendor. Gjithashtu nuk kërkohet vaksina, për punëtorët dhe udhëtarët. Testet pas mbërritjes në Zelandën e Re nuk kërkohen më, por këshillohen.

*Tibo News