AlbanianEnglish

Zbulimi i rëndësishëm mbi ilaçin e Alzheimerit

Shkencëtarët e konsiderojnë si përparim të rëndësishëm zbulimin e një ilaçi i cili ngadalëson shkatërrimin e trurit nga sëmundja e njohur si Alzheimer.

I njohur me emrin Lacanemab ky ilaç sulmon proteinat e dëmshme që krijohen në trurin e njeriut që vuan nga kjo sëmundje.

Ai është antitrup – sikurse ato që krijon trupi për të luftuar viruset dhe bakteret – i cili është krijuar për të mësuar sistemin imunitar që të pastrojë nga truri proteinat e dëmshme.

Ndikimi i këtij medikamenti tek të sëmurët me Alzheimer është ende i vogël por diskutimet mbi të vijojnë.

Sipas studimeve, ky ilaç ka ngadalësuar përkeqësimin e sëmundjes me një të katërtën përgjatë 18 muajve që pacientët e kanë marrë atë.

Raportet paraprake tregojnë se ky medikament mund ta luftojë sëmundjen edhe në fazat e hershme.

Në studimin e ri janë përfshirë 1.795 vullnetarë, të diagnostikuar në fazë të parë të sëmundjes.

Rregullatorët amerikan po analizojnë të dhënat për të vendosur nëse ilaçi do të përdoret tek më shumë pacientë.

You don't have permission to register