AlbanianEnglish

Yjet dhe arsyet e heqjes dorë nga rrjetet sociale

Rrjetet sociale sot janë pjesë e pandashme e rutinës tonë ditore.

Kësaj rutine nuk mundet kurrsesi t’i shpëtojë as yjet e showbiz-it.

Në fakt, disa prej tyre shpesh kanë vendosur të bëjnë disa shkëputje.

Më poshtë do të gjeni të listuar 4 prej tyre.

 

  • Travis Scott

Travis Scott çaktivizoi llogarinë e tij në Instagram pas diskutimit të gjerë në rrjetet sociale për kostumin e Batman që kishte veshur për Halloween.

Problemi kryesor që kritikët pas tastierës kishin ishte se ai zgjodhi ngjyrën kafe të errët në vend të të zezës klasike, dhe përdoruesit e Twitter-it e krahasuan atë me një kacabu.

Menjëherë pas kësaj, llogaria e tij u zhduk.

A mund të ngacmohet vërtet dikush si Travis Scott nga mediat sociale?

Me siguri jo. Në nëntor ai e riaktivizoi llogarinë e tij.

 

  • Cardi B

Në maj të vitit 2018, reperja e ‘Bodak Yellow’ mori një pushim nga Instagrami pas një debati të ashpër me kolegen e saj Azealia Banks, e cila pretendoi se Cardi B ishte si një “karikaturë” e një gruaje me ngjyrë.

Përpara se të fshinte llogarinë e saj, reperja postoi duke treguar se ka arritur aty ku është duke qenë vetvetja dhe duke i qëndruar besnike pikërisht kësaj të fundit, si e tillë nuk po përfaqësonte askënd  ve$ vetes.

Më pas ajo u kthye në Instagram një javë më vonë për të postuar videon për videoklipin e saj të ri, “Be Careful”.

 

  • Taylor Swift

Në tetor të 2015, kantautorja në një postim u shpreh se mendon se njerëzit mund të kenë nevojë për pushim dhe që atëherë ajo ka postuar dukshëm më pak në rrjetet sociale.

Kuptohet, kjo nuk ishte një ndarje e plotë në rrjetet sociale, por sidoqoftë, është hapësira që i nevojitej.

 

  • Demi Lovato

Më 20 qershor 2016, Lovato postoi në Twitter se do të ndalonte përdorimin e këtij rrjeti social. Këngëtarja e muzikës pop shtoi se ajo do të vazhdojë të përdorë “Snapchat”, mënyrë kjo që do e ndihmonte për të mos parë atë që thonë njerëzit.

Pavarësisht qëndrimit që pati në momentin që u largua nga mediat sociale, ylli u kthye në Twitter të nesërmen.

*Tibo News

You don't have permission to register