Ju e dini mjaft mirë se puna ndikon sëtepërmi në shëndetin mendor. Nëse nuk jemi mirë në mjedisin ku kalojmë pjesën më të madhe të kohës, atëherë psikologjia dhe humori ynë nuk do të jn në nivelin e duhur.

Sipas një raporti të Workplace Health, 35% e punonjësve përjetojnë stres, i cili ka një efekt krejtësisht negativ në pjesën tjetër të jetës së tyre të përditshme. Siç tregon një raport global nga Telus Health, punëtorët u bënë 43% më të prekshëm ndaj emocioneve negative si stresi, ndërsa 27% e tyre nuk ishin në gjendje të shkëputeshin dhe të shkarkoheshin mendërisht pas një dite intensive dhe të lodhshme.

Diskutimet rreth asaj se si puna tani ndikon në botën tonë mendore po shtohen dhe gjithnjë e më shumë kompani po kujdesen teorikisht të mbështesin mendërisht punonjësit e tyre në çdo mënyrë që munden. Mirëpo, kohët e fundit po shfaqet një trend i punës, i ashtuquajturi “ëellbeing ëashing”, i cili mund të ndikojë negativisht në shëndetin tonë mendor.

Kjo është një frazë e përdorur për të përshkruar kompanitë që vazhdimisht thonë se i japin përparësi shëndetit mendor të punonjësve pa u ofruar atyre në të vërtetë ndonjë përfitim real. Kjo tendencë është jashtëzakonisht e rrezikshme sepse e fut në kurth punëtorin në një klimë të rreme mbrojtjeje, fleksibiliteti dhe sigurie. Por si mund ta dini nëse edhe ju jeni “viktimë” e saj?

Sipas ekspertëve, duhet të kontrolloni programet dhe shërbimet që ofron kompania juaj. Nëse konstatoni se nuk ka asnjë masë mbrojtëse për të qenë mirë mendërisht, atëherë më mirë mendoni sërish nëse ambienti ku bëni pjesë ju ofron atë që dëshironi në punë.