Dalai Lama ka kërkuar falje pasi u përball me akuzat për sjellje të papërshtatshme, pasi u shfaq në një video teksa puthte një djalosh në buzë, dhe më pas i kërkon të prekë me gjuhë, gjuhën e tij. Ngjarja ndodhi në një event publik në Indi në tempullin Dharamshala, dhe videoja ka trazuar rrjetin, ku janë me qindra komentues që e kanë krahasuar me sjelljen e një pedofili.

Dalai Lama ishte i pranishëm në eventin ku u diplomuan 100 djem të rinj nga Fondacioni Indian M3M.

Një prej djemve shfaqet në video duke pyetur Dalai Lamën: A mund të të përqafoj? 87 vjeçari i tha djalit të ngjitej në platformën ku ishte ulur. Duke bërë një lëvizje në faqe, ai dëgjohet duke thënë “së pari këtu”, pas së cilës djali e puthi dhe e përqafoi.

Dalai Lama e mbajti djalin, duke i thënë “Unë mendoj edhe këtu” dhe më pas kërkoi një puthje në buzët e tij. “Dhe më thith gjuhën,” tha më pas Dalai Lama, duke nxjerrë gjuhën, ballë për ballë me studentin. Djali nxori gjuhën e tij por si i tërhequr disi, ndërsa Dalai Lama qeshi dhe e tërhoqi djalin për një përqafim tjetër, ndërsa publiku po qeshte.

Udhëheqësi shpirtëror foli më pas me djalin, duke e këshilluar që të shikonte nga ata që krijojnë “paqe dhe lumturi” dhe të mos ndiqte “qenie njerëzore që vrasin gjithmonë njerëz të tjerë”, përpara se ta përqafonte.

Ndërsa videoja u përhap në internet, skena nga shumë njerëz, të cilët e quajtën atë “të papërshtatshme”, “skandaloze” dhe “të neveritshme”.

Debati shkaktoi një kërkim falje nga zyra e Dalai Lamës, i cili tha se sjellja e tij kishte qenë “e pafajshme dhe lozonjare”.

 “Shenjtëria e tij dëshiron t’i kërkojë falje djalit dhe familjes së tij, si dhe miqve të tij të shumtë në mbarë botën, për lëndimin që mund të kenë shkaktuar fjalët e tij. Shenjtëria e tij shpesh ngacmon njerëzit që i takon në një mënyrë të pafajshme dhe lozonjare, madje edhe në publik dhe para kamerave. Atij i vjen keq për incidentin.”

Dalai Lama është përballur me polemika të mëparshme. Në vitin 2019 ai shkaktoi një protestë pasi sugjeroi se nëse kthehej si grua “ajo do të ishte më tërheqëse”, për të cilën zyra e tij kërkoi falje.

*Tibo News