Chris Brown po përballet me reagime të ashpra në rrjetet sociale për shkak të vendosjes së dorës në fyt ndaj një gruae teksa po performonte në skenë.

Knëgëtari i famshëm, i cili më parë ka qenë i dënuar për sulm, përfshirë sulmin ndaj ish të dashurës Rihanna, që e la atë me lëndime në fytyrë, aktualisht është në një turne botëror.

Në performancën e tij në Britani, Chris Brown zgjedh një grua nga turma për ta ngjitur atë në skenë, dhe më pas bën  një kërcim per të teksa e ul në karrige.

Bëhej fjalë për yllin e Love Island, Natalia Zoppa, e cila u ul në një karrige ndërsa ai këndonte.

Videoja tregon momentin kur Brown vendos njërën dorë në fytin e Zoppa-s, duke e mbajtur atë ndërsa përdor dorën tjetër për të mbajtur mikrofonin.

Zoppa vendos duart e saj mbi të tijat përpara se të kthehet tek ai; ai pastaj vjen në pjesën e përparme të karriges dhe kërcen mbi të teksa vijon të këndojë.

Nuk është hera e parë që Brown vendos dorën rreth fytit të një fanseje gjatë performancave, pasi më parë ishte fotografuar duke e bërë këtë me një fanse në Berlin.

Në Twitter janë shpërndarë mesazhe tepër kritike ndaj gjesteve të tij duke e krahasuar me akte të dhunshme.

*Tibo News