Bashkimi Evropian ka hequr Pakistanin nga lista e “vendeve me rrezik të lartë për pastrimin e parave dhe financimit të terrorizmit”. BE-ja e mori këtë vendim pasi Task Forca e Veprimit Financiar (FATF) i Organizatës për Bashkëpunim dhe Zhvillim Ekonomik hoqi Pakistanin nga lista gri në tetor 2022.

Përmes një deklarate nga Ministria pakistaneze e Tregtisë thuhet se vendimi i BE-së është mirëpritur dhe se kjo do të sigurojë dobi për bizneset dhe individët pakistanezë në BE. Në qershor 2018 Pakistani u përfshi në “listën gri” nga Task Forca e Veprimit Financiar (FATF) i OECD me arsyen se ka “siguruar mbështetje financiare për terrorizmin” dhe se “nuk ka mundur të pengojë pastrimin e parave”, ndërsa u hoq nga kjo listë më 21 tetor 2022.