Në Shqipëri shpesh herë janë gjendur bimë dhe lloje të ndryshme speciesh apo habitate, të cilat janë shpallur në mbrojtje. Vendi ynë mbart thesare të çmuara të dhuruara nga natyra, i tillë është edhe rasti i Tulipa Albanica, tulipani shqiptar që rritet vetëm në vendin tonë dhe tashmë është një nga bimët e ruajtura. Endri Haxhiraj, drejtor operativ në institutin e politikave mjedisore tregon për rëndësinë dhe qytetin ku gjendet kjo bimë.

https://youtu.be/vprbjqO4feA

Tulipa Albanica, është një ndër llojet e rralla që i futet shkencës botërore të llojeve bimore. Për shkak të autenticitetit të saj kjo bimë e rrallë ka fituar statusin e mbrojtjes ndërkombëtare. Ai rritet në kushte natyrale vetëm në Shqipëri dhe gjendet në një hapësirë të kufizuar në qarkun e Kukësit. Në habitatin e tij, tulipani është në gjendje të egër, në 2 variante, i kuq dhe i verdhë, si dhe kombinim i tyre”,

Në botë, deri tani njiheshin rreth 113 lloje tulipanësh, ndërsa tulipani i Kukësit renditet i 114-ti. Tulipani shqiptar emërtohet i tillë sepse rritet vetëm në afërsi të fshatit Surroj të Kukësit dhe përbën një lloj të ri endemik për Shqipërinë.