Deputeti Tom Emmer ka hequr dorë nga gara për kandidat si kryetar i Dhomës së Përfaqësuesve, vetëm pak orë pasi u nominua si kandidat kryesor nga republikanët.Emmer ishte në garë me 7 kolegë të tjerë republikanë për të fituar nominimin. Ai i tha kolegëve të tij të shtunën se do të kandidonte për postin e kryetarit me qëllimin për të ofruar “ndryshime historike”.

Ish-kryetari i Komitetit Kombëtar Republikan të Kongresit u zgjodh për herë të parë në Kongres në vitin 2014 dhe u bë zëri i shumicës në fillim të këtij viti. Emmer gjithashtu kandidoi si guvernator i Minesotës në vitin 2010, por nuk arriti të fitojë.