AlbanianEnglish

Tirana zyrtarisht “Qyteti Evropian i Sportit 2023”

Viti 2023 do jetë viti i Sportit për Tiranën. Teksa kryeqyteti është afër mbylljes së vitit si “Kryeqyteti Evropian i Rinisë 2022”, kryetari i Bashkisë së Tiranës, Erion Veliaj dha sot lajmin e shumëpritur që në 2023-in Tirana do mbajë titullin “Qyteti Evropian i Sportit”. 

Veliaj tha se pas një pune të palodhshme, Tirana arriti të fitojë një tjetër titull, që do i japë një fokus të veçantë, këtë herë sportit. 

“Sot është një ditë fantastike për Tiranën tonë. Kemi punuar shumë, shumë, shumë për t’ia mbërritur kësaj dite” – tha Veliaj, – “Patëm një nga kampionatet më të bukura të peshëngritjes në Evropë, kemi kampionë, si Brikeni dhe Erkandi […] Abakarov, i cili sot eshte Kampion i Botes, ka mundesi te trajnohet në palestrat e mundjes. Komiteti Olimpik Shqiptar është këtu dhe më vjen mirë që, sot me punën e Fidelit dhe skuadrës se tij fantastike, jemi në nivelet më të larta. Për një vend të vogël që ka prodhuar kampionë […] është edhe një kompliment për punën fantastike që ka bërë Komiteti Olimpik”.

“Kemi prodhuar një pafundësi aktivitetesh për rininë dhe nuk do të mbarojnë deri në fund të vitit. Por, sot për komunitetin e sportit, kam një kënaqësi të jashtëzakonshme, një nder të madh dhe një privilegj të papërshkrueshëm, sepse sapo jemi informuar, t’ju them se Tirana eshte shoallur “Qyteti Evropian i Sportit 2023”, u shpreh Veliaj.

You don't have permission to register