AlbanianEnglish

TikTok dhe Netflix pezullojnë shërbimet në Rusi

Netflix dhe TikTok dje iu bashkuan listës së gjatë të kompanive që pezullojnë shërbimet në Rusi.

Anadolu Agency citon deklaratën nga kompania TikTok në Twitter: “Për shkak të ligjit të ri për ‘lajme të rreme’ të Rusisë, ne nuk kemi zgjidhje tjetër veçse të pezullojmë transmetimin e drejtpërdrejt dhe përmbajtjet e reja në shërbimin tonë video, ndërkohë që shqyrtojmë implikimet e sigurisë të këtij ligji. Shërbimi ynë i mesazheve brenda aplikacionit nuk do të ndikohet”.

Shërbimi i rrjeteve sociale shtoi se ata do të vazhdojnë të vlerësojnë rrethanat në zhvillim në Rusi për të përcaktuar se kur mund të rifillojnë plotësisht shërbimet e tyre, ku prioriteti i tyre kryesor është siguria.

Netflix citoi “rrethanat në terren” për vendimin e tyre për pezullimin e shërbimeve në Rusi, por nuk dha detaje të mëtejshme.

Pasi presidenti rus Vladimir Putin miratoi rregulloren, e cila parashikon deri në 15 vjet burg për “përhapjen e informacioneve të rrejshme” në lidhje me luftën Rusi-Ukrainë, media të shumta perëndimore si BBC, CNN, ZDF dhe Bloomberg pezulluan aktivitetet e tyre në Rusi.

You don't have permission to register