Pas pothuajse dy dekadash transmetim, Ellen DeGeneres i dha “lamtumirën” një prej shfaqjeve më të njohura dhe më ikonë në televizionin amerikan, “The Ellen DeGeneres Show”.

 

Lajmërimi u bë që vitin e kaluar komediania Ellen DeGeneres në një intervistë me ‘The Hollywood Reporter’.

Në intervistë, Ellen siguroi se arsyeja e vërtetë nuk kishte të bënte me çështjet e audiencës:

 

“Kur je një person krijues, duhet të sfidohesh vazhdimisht dhe kjo shfaqje nuk është më sfidë për mua. Dy vjet më parë kam nënshkruar një kontratë edhe për tre vite të tjera dhe e kam ditur gjithmonë, në zemrën time, se sezoni 19 do të ishte i fundit. 19 është një numër i madh. Para së gjithash, amendamenti i 19-të u jep grave të drejtën e votës, gjithashtu në tabelën periodike, 19 është numri atomik i kaliumit. Ju mund të pyesni veten, pse vendosa të përfundoj sezonin e 19-të, e vërteta është se unë gjithmonë i besoj shpirtit tim dhe më tha se ‘tani është koha’.”

 

Lamtumira emisionit iu dha me të ftuarat Jennifer Aniston, Billie Eilish dhe Pink, të cilat ndanë kujtime dhe dashurinë e ndërsjellë të fenomenit televiziv.

 

“Njëzet vjet më parë, kur po përpiqeshim të sillnim këtë shfaqje, askush nuk mendonte se kjo do të funksiononte. Jo sepse ishte një lloj tjetër shfaqjeje, por sepse unë isha ndryshe,” tha DeGeneres.

 

Komediania, aktorja dhe producentja ka thënë se do të marrë kohë për të shqyrtuar lëvizjen e saj të ardhshme në karrierë, por fillimisht ajo dhe gruaja e saj, australiane Portia de Rossi, do të bëjnë një udhëtim në Ruanda.

DeGeneres e mbylli shfaqjen e saj gjatë ditës me një lutje për audiencën e saj, një që ajo tha se ia vlente të përsëritej.

“Nëse kam bërë diçka në 19 vitet e fundit, shpresoj se t’ju kem frymëzuar të jeni vetvetja, të vërtetë dhe autentik. Dhe, nëse dikush është mjaftueshëm i guximshëm për t’ju thënë se kush është ai, jini mjaftueshëm guximtar për ta mbështetur atë, edhe nëse nuk e kuptoni. Duke hapur zemrën dhe mendjen tuaj, ju do të jeni shumë më të dhembshur, dhe dhembshuria është ajo që e bën botën një vend më të mirë”, tha DeGeneres.