AlbanianEnglish

Tërmetet në Zelandën e Re ngrejnë alarmin për shpërthimin e vullkanit Taupo

Në Zelandën e Re është ngritur alarmi për shpërthimin e një vullkani, më të fuqishmin në 5000 vitet e fundit.

Qindra tërmete  të vogla janë regjistruar pranë zonës ç’ka mund të sinjalizojë shpërthimin e vullkanit. Shkencëtarët janë të shqetësuar, por thonë se ka një mundësi të vogël që supervullkani Taupo të shpërthejë.

Alarmi u ngrit pasi agjencia gjeologjike GeoNet zbuloi se rreth 700 lëkundje tërmeti ishin regjistruar në liqenin Taupo nga muaji maj.

“Ne interpretojmë se aktiviteti i tërmetit shkaktohet nga lëvizja e magmës dhe lëngjeve hidrotermale brenda vullkanit”, kanë thënë nga agjencia GeoNet.

Dje u shënua hera e parë e ngritjes së alarmit për vullkanin Taupo, pas vitit 1994, kur u prezantuan për herë të parë nivelet e alarmit vullkanik.

Sistemi i alarmit vullkanik ka 6 nivele, të cilat variojnë nga 0 në 5.

*Tibo News

You don't have permission to register