Dikur ishte zemra kulturore e qytetit, por sot Teatri i Dramës në Mariupol është një grumbull rrënojash.

Gazetarë të Reuters që vizituan qytetin e kontrolluar nga Rusia konfirmuan se kanë nisur shembjet dhe pastrimin e asaj  që ka mbetur nga kjo godinë.

Zyrtarët Ukrainas e kanë denoncuar prishjen si një përpjekje për të mbuluar qindra vdekje në një bombardim të 16 marsit për të zhdukur kulturën ukrainase.

Ndërkohë pala ruse shprehet se shembja plotësisht e teatrit vjen si pjesë e një plani për ta rindërtuar atë duke e pasur nën kontrollin e tyre.

Bombardimi i teatrit nga pala ruse ishte pjesë e një plani për intensifikimin e sulmit në këtë qytet-port teksa në atë godinë strehoheshin fëmijë dhe familje.

Për të lajmëruar palën ruse që të mos sulmonin, në oborrin e teatrit ishte shkruar fjala “Fëmijë”.

Numri i saktë i viktimave nga ky sulm ishte i vështirë të verifikohej dhe u desh kohë për nxjerrjen e trupave nga rrënojat.

Sipas palës ukrainase, përgjatë bombardimeve ruse në këtë teatër janë vrarë të paktën 300 persona.

*TiboNews