Sulmet ruse me raketa nuk janë ndalur në Ukrainë edhe në prag të këtyre festave.

Shpërthime të mëdha janë dëgjuar këtë të shtunë në Kherson ku kanë humbur jetën 7 qytetarë ndërkohë që janë dëmtuar disa njësi banimi dhe ndërtesa.

Presidenti ukrainas Volodymyr Zelensky tha se nuk kishte objekte ushtarake në zonë.

Kherson, i vetmi kryeqytet rajonal i pushtuar nga Rusia që nga pushtimi, u çlirua nga Ukraina muajin e kaluar.

Që atëherë, ajo ka qenë shpesh në shënjestër nga forcat ruse të pozicionuara në anën tjetër të lumit Dnipro.

Zelensky shkroi në kanalin e tij Telegram: “Rrjetet sociale me shumë gjasa do t’i shënojnë këto foto si “përmbajtje të ndjeshme”. Por kjo nuk është përmbajtje e ndjeshme – është jeta reale e Ukrainës dhe ukrainasve.”

Ai i përshkroi sulmet si “vrasje për hir të frikësimit dhe kënaqësisë”.

Rusia ka mohuar shpesh të ketë shënjestruar civilët në sulmet e saj.

*TiboNews