Personi që hodhi bombë me benzinë në një qendër emigrantësh në Dover të Britanisë ishte drejtuar nga ‘ideologji terroriste’.

Deklarata vjen ditën e sotme nga policia kundër terrorizmit.
I dyshuari, i quajtur Andreë Leak, si 66-vjeç, besohet se ka vrarë veten pasi ka hedhur bomba zjarri ‘të papërpunuara’ të dielën e kaluar.

Leak udhëtoi më shumë se 100 milje nga shtëpia e tij në Buckinghamshire për të hedhur dy deri në tre pajisje ndezëse të bëra vetë nga dritarja e makinës së tij.
Dy persona brenda qendrës së përpunimit kanë pësuar lëndime të lehta.

Policia kundër terrorizmit tha: “Gjatë hetimit janë pyetur një numër dëshmitarësh të rëndësishëm dhe janë gjetur një numër artikujsh me interes, duke përfshirë pajisjet e mediave dixhitale.
“Dëshmitë nga ekzaminimi i këtyre artikujve sugjerojnë se pas sulmit kishte një motivim të krahut të djathtë ekstrem”.

Policia tha se nuk ka asgjë që sugjeron se Leak është konfliktuar me dikë tjetër ose se ka një kërcënim për publikun e gjerë.

Policia e Kentit gjeti një ‘numër sendesh me interes’ kur oficerët kontrolluan shtëpinë e tij.

Tashmë CTPSE po heton incidentin pas thirrjeve të shumta që deputetët ta konsideronin si akt terrori.
Leak postonte në Tëitter statuse të tilla si: “është koha për të internuar të gjithë myslimanët radikalë”.

Ai ishte një ndjekës aktiv i grupeve që bënin fushatë kundër emigrantëve që kalonin Kanalin Anglez, sipas një arkivi të postimeve të tij në mediat sociale të përpiluar nga organizata bamirëse antifashiste Hope Not Hate.

Ndërsa postimet e tij shpesh bazoheshin në teori konspirative, të tilla si pretendimi se varkat janë “bërë në të njëjtin vend nga OKB”.
Pas sulmeve të ISIS në Paris në 2015, ai tha në një video në Tëitter: “Ne jemi një ishull dhe jemi sulmuar më parë.

“Është koha për të mbyllur kufijtë, për të fundosur të gjitha këto varka, për të ndarë të fortët nga të dobëtit”.

Ngjarja shkaktoi debate në parlamentin britanik, çka solli në vëmendje edhe emigrimin e shqiptarëve dhe fluksin e tyre që ndjekin rrugën e rrezikshme me varka për të mbërritur në Britani.

Suella Braverman e Britanisë dhe “inati” që ka me emigrantët shqiptarë

*Tibo News