Suedi, dy zyrtarët të lartë të ushtrisë paralajmërojnë luftë

Një paralajmërim për popullin suedez që të përgatiten për luftë nga dy zyrtarë të lartë të mbrojtjes ka shkaktuar shqetësim në vend dhe pretendime se alarmi është tepër i tepruar.Ministri i Mbrojtjes Civile Carl-Oskar Bohlin tha gjatë një konference mbrëmjen e kaluar se në Suedi shumë shpejt mund të ketë luftë.

Mesazhi i tij u mbështet më pas nga komandanti i përgjithshëm ushtarak Gjeneral Micael Byden, i cili shtoi se të gjithë suedezët duhet të përgatiten mendërisht për këtë skenar të ri, që është te dera.

Megjithatë, politikanët e opozitës e kanë kundërshtuar tonin e paralajmërimeve. Ish-kryeministrja Magdalena Andersson deklaroi në media se ndërsa situata e sigurisë ishte serioze, nuk duket sikur lufta është pranë.Pavarësisht ashpërsisë së mesazheve, vërejtjet e ministrit të mbrojtjes civile dhe shefit të ushtrisë po shihen si një thirrje zgjimi.

Pas më shumë se dy shekujsh paqeje, Suedia është pak hapa nga anëtarësimi në aleancën mbrojtëse të NATO-s, duke pritur për një dritë jeshile nga parlamenti i Turqisë dhe më pas nga Hungaria.