AlbanianEnglish

Si të shmangni tharjen e lëkurës?

Qepallat e thara dhe buzët e çara janë simptoma të zakonshme të lëkurës në dimër.

Rekomandohet ndryshimi i rutinës së kujdesit të lëkurës çdo sezon për të parandaluar tharjen e lëkurës ndërsa moti ndryshon. Është e rëndësishme të përfshini krem ​​hidratues për sytë dhe balsam buzësh në rutinën e përditshme për të mbrojtur lëkurën e ndjeshme të qepallave dhe buzëve.

Për të shmangur ndjesinë e keqe dhe pamjen e pakëndshme të lëkurës së buzëve dhe syve, përpiquni që të ndiqni këto këshilla:

1. Kontrolloni kremin e syve për retinol

Retinoli është një përbërës i zakonshëm për kujdesin e lëkurës që gjendet në serume, kremëra për sytë e hidratues dhe përdoret për të reduktuar shfaqjen e rrudhave dhe linjave të imta. Megjithatë, retinoli shkakton tharjen e lëkurës sidomos për njerëzit me lëkurë të ndjeshme, veçanërisht gjatë dimrit. Prandaj duhet të kontrolloni kremin e syve për retinol dhe hiqeni atë nga rutina juaj nëse keni qepalla të thata.

2. Mos përdorni balsam buzësh që përmbajnë kamfor, eukalipt apo mentol

Balsami i buzëve mund t’i hidratojë ato, por disa përmbajnë përbërës që irritojnë lëkurën e thatë në dimër. Kamfori, eukalipti dhe mentoli mund të qetësojnë buzët në fillim, por kjo ndjesi zgjat vetëm pak pasi lëkura e buzëve do të thahet edhe më shumë.

3. Eksfoloni buzët

Buzët e thata kanë shumë lëkurë të vdekur në sipërfaqe. Një metodë e mirë eksfolimi është pastrimi me sheqer ose një leckë të ngrohtë. Kini parasysh që mos t’i fërkoni shumë buzët në mënyrë që të shmangni irritimet apo skuqjet.

4. Aplikoni vazelinë në qepalla dhe buzë

Vazelina mund të riparojnë lëkurën e qepallave dhe buzëve të plasaritura. Njerëzit me lëkurë të thatë duhet të aplikojnë një hidratues me përmbajtje të dendur ose me përbërës që zbutin lëkurën dhe e mbajnë lagështirën. Vazelina është një krem i tillë por ka dhe kremra të tjerë që luajnë të njëjtin rol.

5. Qëndroni të hidratuar duke pirë ujë rregullisht

Përveç përdorimit të produkteve të duhura, duhet të pini shumë ujë për të hidratuar siç duhet lëkurën. Kjo do ta mbajë lagështirën e balancuar dhe gjasat që lëkura të thahet janë më të pakëta (sidomos në zonat delikate siç janë qepallat dhe buzët).

You don't have permission to register