AlbanianEnglish

Si të dalloni nëse jeni në një miqësi toksike?

Disa thonë se miqësitë mund të jenë më me ndikim në jetët tona sesa marrëdhëniet intime ose romantike. Kjo është arsyeja pse një miqësi që është toksike mund të jetë gjithashtu e dëmshme për shëndetin mendor.

Kur keni një lidhje të thellë me dikë, nuk është gjithmonë e lehtë të dallosh shenjat paralajmëruese, por kjo është një listë e gjërave që mund të përjetoni nëse miqësia juaj me dikë po bëhet toksike.

  1. Ata nuk i respektojnë kufijtë tuaj

Vendosja e kufijve me këdo nuk është gjithmonë e lehtë, por është edhe më e vështirë nëse po tentoni t’i vendosni kufij një personi që i tejkalon përherë ato. Edhe nëse u keni thënë atyre se keni angazhime ose nuk mund të jeni në dispozicion, ata përsëri do të kërkojnë disponueshmërinë tuaj dhe do t’ju bëjnë të ndiheni fajtorë që nuk ishit të gatshëm për ta në kohën që donin.

  1. Ata gjithmonë kërkojnë diçka nga ju

Një mik toksik do të ketë gjithmonë nevojë për ju, por nëse ndodh e kundërta, ata mund të mos ju përgjigjen. Ata do të kërkojnë favore dhe do të ndiheni fajtor nëse nuk mund t’i ndihmoni.

Këta ‘miq’ mbajnë mend gjërat që kanë bërë për ju dhe t’i përdorin ato kundër jush, kështu që ata mund të thonë gjëra të tilla si “Unë e bëra këtë për ty, pse nuk e bëre këtë për mua?”.

  1. Ata nuk marrin përgjegjësi

Vula dalluese e një miqësie toksike është momenti kur ai/ajo nuk merr përgjegjësi për mënyrën se si ju trajton dhe për më tepër mund të mos kërkojnë  falje.

  1. Ata hedhin poshtë vlerat tuaja

Presioni i bashkëmoshatarëve nuk është vetëm një çështje që prek të rinjtë. Ndonjëherë të rriturit, veçanërisht miqtë toksikë, do t’ju bëjnë presion të thoni ose të bëni diçka që nuk dëshironi, sepse mund t’u sjellë dobi.

You don't have permission to register