Kryeministri Edi Rama ka vendosur të ndryshojë qeverinë, duke futur emra të rinj dhe të njohur në disa dikastere. Nga ata që ishin, Ogerta Manastirliu që ishte ministre e Shëndetësisë, e ka emëruar në ministrinë e Arsimit, duke larguar kështu Evis Kushin. Ndërkaq, Delina Ibrahimaj është larguar nga drejtimi i ministrisë së Financave duke e vënë në krye të ministrisë për Sipërmarrjen dhe klimën e Biznesit.

Ministra të emëruar për herë të parë në qeverinë Rama 3 janë 4 emra. Igli Hasani, Arbjan Mazniku, Ervin Mete dhe Albana Koçiu.

Lista me emrat e ministrave të rinj:

Ministër i Financave dhe Ekonomisë – Ervin Mete

Ministër për Europën dhe punët e jashtme -Igli Hasani

Ministre e Arsimit – Ogerta Manastirliu

Ministre e Bujqësisë dhe Zhvillimit Rural-Anila Denaj

Ministre e Shëndetësisë – Albana Kociu

Ministre Shteti për Sipërmarrjen dhe klimën e Biznesit-Delina Ibrahimaj

Ministër shteti për pushtetin vendor-Arbjan Mazniku