Salt Bae (emri i vërtetë Nusret Gökçe) është më i nervozuar se kurrë. Jo vetëm që ai po përballet me një sërë padish dhe ankesash për gjithçka, nga vjedhja e bakshisheve të punonjësve, shitja e verës së mbetur nga klientët dhe diskriminimi seksual, por një numër restorantesh të tij në mbarë globin, duke përfshirë Nusr-Et në Londër, janë duke u shqyrtuar për tu mbyllur.

Restoranti i tij i burgerëve në Manhattan, i quajtur thjesht “Salt Bae Burger”, mbylli në heshtje dyert e tij gjatë fundjavës pas vetëm tre vjetësh në funksionim, dhe as restoranti dhe as vetë Gökçe që nuk ofruan një shpjegim të mirë për mbylljen, ndonëse mediat flasin se restoranti ka marrë vlerësimin më të keq.

Ashtu si shumë nga restorantet e tij të tjera, Salt Bae Burger ka marrë disa vlerësime serioze të këqija. Blogu lokal Gothamist e quajti në mënyrë të famshme vendin “restoranti më i keq në NYC” dhe “një fyerje për qytetin tonë”, duke thënë se burgerët e restorantit kishin shije më të keqe se ushqimi i spitalit.

Kur Salt Bae Burger u hap në NYC, ai shkaktoi polemika në ditën e parë duke ofruar burgerë perimesh falas për zonjat, një veprim që ishte në mënyrë të dyshimtë legale si dhe me shije të dyshimtë.

Tani, Salt Bae Burger ka një tabelë në pjesën e përparme duke pretenduar se “po zhvendoset në një vend të ri” – megjithatë, ai “lokacion i ri” është thjesht adresa e një prej dy Steakhouseve Nusr-Et në NYC.

Salt Bae Burger hapi restorantin e tij të parë në Dubai në 2019, e ndjekur nga vendi i tij i mbyllur tashmë në NYC. Një vendndodhje në Los Angeles ishte vendosur të hapej më vonë këtë vit, por nuk u materializua kurrë, raporton Eater – pavarësisht faktit që Salt Bae bëri qartë një udhëtim në qytet, duke pozuar përpara shenjës Hollywood Hills.

Ndërsa restorantet e panumërta të Salt Bae anembanë globit mbeten të njohura – veçanërisht në mesin e të famshëmve – konsensusi kritik është se ato janë jashtëzakonisht të shtrenjta, jo shumë të mira dhe më shumë një spektakël sesa një përvojë e mirëfilltë e ngrënies.

Salt Bae do të humbasë shkëlqimin? Dhe a do ndihmojë sërish gjesti i tij i famshëm duke hedhur kripën me stil”?