Greenpeace ka publikuar të enjten një analizë  në lidhje me fluturimet me avion privatë në Europë.  Sipas studimit numri i fluturimeve me avion privat në Europë vitin e kaluar u rrit me 64% duke shënuar një rekord prej 572,806. Më shumë se gjysma (55%) e fluturimeve me avion privat në Europë vitin e kaluar ishin udhëtime të shkurtra nën 750 kilometra (466 milje), tha Greenpeace, duke vënë në dukje se këto ishin udhëtime që mund të ishin kryer me tren ose traget.

“Rritja alarmante e fluturimeve me avion privat është krejtësisht në kundërshtim me të gjithë shkencën e klimës që na ka udhëzuar të ulim menjëherë emetimet e CO2 në mënyrë që të shmangim katastrofën totale”, tha Klara Maria Schenk, aktiviste e transportit për fushatën e Greenpeace Mobility for All. Analiza zbuloi se vendet me më shumë fluturime me avion privat në Europë vitin e kaluar ishin Britania e Madhe, Franca dhe Gjermania. Destinacionet më të njohura për fluturimet me avion privat në Europë në vitin 2022 ishin qyteti i Rivierës Franceze i Nicës, kryeqyteti francez i Parisit dhe qyteti i dytë më i populluar i Zvicrës, Gjeneva.