Huawei ‘Më të bashkuar’ përballë presionit të SHBA, thotë CFO i riatdhesuar

“Presioni i SHBA-së mbi Huawei Technologies ka shërbyer për të forcuar vendosmërinë e gjigantit kinez të telekomunikacionit”. Kjo ishte deklarata e shefes së financave Meng Wanzhou pas daljes së rezultateve të para të kompanisë.

Vajza e themeluesit të Huawei, Ren u arrestuan në Kanada në vitin 2018 mbi dyshimet e lidhjes së Huawei me kompani të tjera për t’i shitur pajisje Iranit në shkelje të sanksioneve të SHBA.

Më pas, Shtetet e Bashkuara vendosën një sërë kufizimesh tregtare ndaj kompanisë gjatë viteve 2019 dhe 2020, duke përmendur shqetësimet e sigurisë kombëtare.

Kjo pengoi aftësinë e Huawei për të dizajnuar çipet, duke dëmtuar bizneset e saj të smartfonëve.

Sanksionet e Uashingtonit kanë vazhduar të rëndojnë rëndë biznesin e Huawei.

Të ardhurat ranë 29% vitin e kaluar në 100 miliardë dollarë.

Fitimi neto u hodh me një rekord 76% në 113.7 miliardë juanë, por kjo ishte kryesisht falë shitjes së sektorit të saj të celularëve dhe bizneseve të serverëve Honor nën presionin e SHBA-së.

Huawei ia “faturoi” rënien e të ardhurave ndikimit të sanksioneve të SHBA-së në biznesin e smartfonëve. Ajo shtoi se pandemia COVID-19, problemet e zinxhirit të furnizimit dhe ngadalësimi i kërkesës për stacionet bazë 5G në Kinë ishin gjithashtu faktorë kontribues.

Kryetari aktual i Huawei, tha se kompania shpreson të gjejë një zgjidhje për të mbështetur ndarjen e saj të telefonave inteligjentë.

Shumë vëzhgues kanë vënë në dyshim nëse kompanitë kineze si Huawei mund të mbushin boshllëkun e lënë nga kompanitë e huaja që kanë dalë nga Rusia në shenjë proteste për konfliktin në Ukrainë.