Gjiganti i teknologjisë Samsung raportoi të martën fitimin e tij më të ulët për sa i përket  tremujorit në tetë vjet.

Ai pësoi një rënie prej 69% nga tetori në dhjetor në krahasim me të njëjtën kohë të një viti më parë.

Konsumatorët blenë më pak pajisje elektronike, dhe klientët e kompanisë kursyen  përballë një ekonomie të dobët.

Edhe çmimet e çipave të memories ranë vitin e kaluar me përqindje dyshifrore.

Fitimi i çipave të Samsung ra në nivelin më të ulët që nga tremujori i parë i vitit 2009 dhe analistët presin që biznesi i çipave të konglomeratit të raportojë një humbje në fillim të vitit 2023.

Megjithatë, në vend që të zvogëlojë investimet në gjysmëpërçues, gjë që rivalët e Samsung, SK Hynix dhe Micron Technology thanë se planifikojnë të bëjnë, prodhuesi më i madh në botë i çipave të memories sinjalizoi se nuk do të ngadalësojë shpenzimet.

Samsung pritet të zbulojë gjeneratën e re të telefonave inteligjentë premium Galaxy S të mërkurën.

*TiboNews