Duke u përgatitur për funeralin e vitit, Britania e Madhe po organizon një funeral të konsiderueshëm shtetëror për Mbretëreshën Elizabeth II, e cila ndërroi jetë paqësisht më 8 shtator 2022, por ngjarja që pritet të presë qindra liderë botërorë vjen në një kohë shumë sfiduese për ekonomia britanike.

Mbretëresha Elizabeth II ndërroi jetë paqësisht më 8 shtator 2022, por nderimet për të po zgjasin prej ditësh, deri ditën e sotme ku ajo përcillet për në banesën e fundit. Ngjarja ndodh në fakt në një kohë shumë sfiduese për ekonominë britanike. Mbretëresha Elizabeth II sundoi në Britani për më shumë se 70 vite.

Ndërsa kostoja e 10 ditëve të plota nga 11 ditët e zisë thuhet se është paguar nga familja mbretërore, funerali shtetëror njëditor i sotmi, pra i 19 shtatorit mbulohet nga qeveria e Mbretërisë së Bashkuar dhe vlerësohet të kushtojë më shumë se 9 milionë paund.

Edhe pse kjo shifër mbulon shpenzimet mbi sigurinë gjatë ceremonisë zyrtare për anëtarët e familjes mbretërore, arkivolin e Mbretëreshës dhe liderët vendas dhe ndërkombëtarë që marrin pjesë në funeralin, shifra mund të jetë më e larta e shpenzuar në një ditë në historinë e Britanisë.

Mediat britanike kanë vënë gjithashtu në dukje se funerali shtetëror ka aktivizuar operacionet më të mëdha policore në Britani, pasi agjencitë e inteligjencës po bashkëpunojnë me Policinë Metropolitane të Londrës dhe Shërbimin Sekret për të ofruar mbrojtje të plotë për ngjarjen historike, gjë që shpjegon koston jashtëzakonisht të lartë të Funeralit.

Ndërsa kostoja e funeralit po ngre ende shumë pyetje në lidhje me aftësinë e ekonomisë britanike për t’i mbijetuar një shpenzimi kaq të madh, në një kohë që ajo po vuan inflacionin e saj më të keq në mbi 40 vjet, duke tejkaluar 10% në gusht 2022, shumë kanë vënë në dukje se periudha e zisë 12-ditore ka pasur një ndikim edhe më shkatërrues në Britani dhe popullin e saj.

Vdekja e Mbretëreshës do t’i kushtojë ekonomisë së Britanisë rreth 6.9 miliardë dollarë, e cila nuk mbulon vetëm shpenzimet e funeralit, por edhe kurorëzimin e mbretit Charles III, dhe shpenzimet e të gjitha ndryshimeve që priten të ndodhin në vend, duke përfshirë dokumente, udhëtime, monedhat dhe të tjera.

Vetëm dy ditë para vdekjes së Mbretëreshës, u emërua një kryeministër i ri me prioritetin më të lartë trajtimin e krizës ekonomike dhe krizës energjetike që dyshohet se do të prekë gati 70 milionë njerëz në të gjithë Mbretërinë e Bashkuar këtë dimër, në vazhdën e Luftës Ukrainë-Rusi.

Gjatë dimrit të vitit 2022, çmimet e energjisë u rritën me 27% në Britani, që do të thotë se dimri i vitit 2023 do të jetë edhe më i ashpër, duke pasur parasysh ndryshimet në aspektin e disponueshmërisë së gazit për vendet evropiane, pas sanksioneve kundër Rusisë dhe masave të vendit kur bëhet fjalë për furnizimin me gaz natyror duke përdorur rubla ruse, në vend të dollarit amerikan.

Majin e kaluar, mediat britanike raportuan se më shumë se 2 milionë njerëz në të gjithë vendin “nuk mund të përballojnë ushqimin çdo ditë”, një shifër që pritet të rritet më shumë në muajt e mëvonshëm të vitit.

*Tibo News