Rihanna ka konfirmuar shtatzëninë pas shfaqjes së Super Bowl.

Këngëtarja e “Diamonds” ndezi spekulimet se ajo është përsëri shtatzënë kur u ngjit në skenën në Stadiumin State Farm në Glendale, Arizona, për të performuar një mix hitesh gjatë shfaqjes së pjesës së parë të Super Bowl 2023.

Për këtë rast, Rihanna zgjodhi një jumpsuit të kuq të ndezur, i cili ishte zbërthyer për të treguar një body të kuq  nga poshtë. Përveç shfaqjes së asaj që shumë sugjeruan se ishte një  bark i fryrë që tregonte shtatzaninë, këngëtarja u pa duke fërkuar barkun gjatë performancës.

Pas shfaqjes së pjesës së parë, një përfaqësuese e Rihanna-s konfirmoi spekulimet për shtatzëninë në një deklaratë për The Hollywood Reporter.

Lajmi për shtatzëninë e këngëtares vjen pasi ajo dhe i dashuri A$AP Rocky mirëpritën fëmijën e tyre të parë, një djalë, në maj 2022.