Restorantet po vendosin gjoba për klientët që rezervojnë dhe nuk paraqiten

Gjithnjë e më shumë restorante në Gjermani kanë frikë nga klientët që nuk vijnë, të cilët kanë rezervuar një tavolinë në restorant, kështu që disa restorante po vendosin një tarifë për këtë.

Sipas Shoqatës Gjermane të Hoteleve dhe Restoranteve (DEHOGA), ka pasur një rritje të numrit të mosparaqitjeve, pra mosparaqitjes së klientëve pavarësisht rezervimeve apo anulimeve në minutën e fundit, dhe për restorantet, veçanërisht ata që punojnë në restorante elitare, kjo do të thotë humbje ekonomike e pariparueshme.

Për të parandaluar këtë praktikë, disa restorante në Gjermani tashmë janë marrë disa masa. Klientët marrin informacion për rezervimin së bashku me detaje të tjera me email. Dhe për të mos anuluar rezervimin në minutën e fundit, ata duhet të rikonfirmojnë rezervimin në faqen e tyre dhe të bashkëngjitin numrin e kartës së tyre të kreditit.

Përveç kësaj, klientët marrin informacion në lidhje me tarifat e mos-ardhjes ose anulimit të vonuar gjatë rezervimit, dhe disa restorante i thërrasin sërish klientët e tyre ditën e vizitës për t’i pyetur nëse do të vijnë.