Kryeministri Edi Rama ka kryer një ndërhyrje në mesnatë për heqjen e apandesitit në QSUT.

Zyra e shtypit e qeverisë njofton se pas kryerjes së disa testeve imazherike, kreu i qeverisë u diagnostikua me appendisit akut. Në bazë të rekomandimit të mjekëve, kryeministri iu nënshtruar operacionit për heqjen e apendesiti në orët e para të mëngjesit të sotëm.

Operacioni u krye nga ekipi i mjekëve kirurgë dhe anestezistë, nën drejtimin e prof. Arben Gjata, shef i shërbimit të kirurgjisë në QSUT. Sipas zyrës së shtypit të qeverisë ndërhyrja konsiderohet e suksesshme dhe gjendja shëndetësore e kryeministrit paraqitet e mire.