Hong Kongu është renditur për herë të katërt në pesë vjet si qyteti më i shtrenjtë në botë për emigrantët, i ndjekur nga katër qytete zvicerane: Zyrihu, Gjeneva, Bazeli dhe Berna.

Ankaraja, kryeqyteti i Turqisë, mbylli renditjen e 227 qyteteve si më të përballueshmet në botë për emigrantët.

Nëse jeni në Evropë dhe kërkoni një qytet më të lirë për të jetuar, shikoni nga lindja: Ankaraja ndiqet nga Bishkek në Kirgistan (e 226-ta), Dushanbe në Taxhikistan (e 225-ta) dhe Islamabad dhe Karaçi në Pakistan (e 224-ta dhe 223-ta).

Kryeqyteti i Danimarkës Kopenhagen është qyteti më i shtrenjtë për emigrantët duke u renditur i 11-ti në nivel global, ndërsa kryeqyteti suedez Stokholm është më i përballueshëm, duke zbritur në vendin e 87-të në 2022.

Është interesante se dy nga qytetet më të shtrenjta në botë për emigrantët, Zyrihu dhe Gjeneva, janë gjithashtu në top pesëshen e Indeksit Global të Jetësimit, një raport vjetor nga The Economist Intelligence Unit (EIU) që vlerëson se cilat qytete në mbarë botën ofrojnë kushtet më të mira të jetesës.

Mercer gjithashtu analizoi korrelacionin midis Indeksit të Kostos së Jetesës dhe Indeksit të Cilësisë së Jetesës për një listë të përzgjedhur të qyteteve globale.

Vendet me fat me koston më të ulët të jetesës, por me cilësinë më të lartë të jetesës janë Vankuveri dhe Toronto në Kanada, Stokholmi në Suedi, Lisbona në Portugali dhe Frankfurt në Gjermani.

Nga ana tjetër, Hong Kongu u zbulua se kishte koston më të lartë të jetesës, por një cilësi më të ulët të jetesës se shumë vende të tjera.

*Tibo News