AlbanianEnglish

Qeveria franceze miraton reformën e pensioneve

Qeveria e presidentit francez Emmanuel Macron miratoi këtë të hënë reformën e  pensioneve pavarësisht se mbi 1 milionë qytetarëve francezë protestuan kundrejt kësaj nisme.

Proceduar parlamentare po vijojnë teksa ky vendim përforcon qëndrimin  e qeverisë për të shtyrë moshën e daljes në pension nga 62 në 64 vjeç.

Nisma synon të arrijë të zbatohet brenda vitit 2030, teksa deri në vitin 2027 synohet që vitet e nevojshme të punës të shkojnë nga 42 në 43.

Sipas ministrit të Punës, Olivier Dussopt, masat që po ndërmerren do të ndihmojnë në balancimin e sistemeve të pensioneve teksa njohu një “mosmarrëveshje” në disa pika me sindikatat.

Seanca plenare e Asamblesë Kombëtare do të fillojë me diskutimin e projektligjit nga 6 shkurti, përpara se të kalojë në Senat .

Partitë e majta dhe opozita e ekstremit të djathtë kanë njoftuar tashmë se do të votojnë kundër.

Për ta miratuar reformën e pensioneve, partia qeveritare, e cila humbi shumicën e saj absolute në qershor, do të jetë në gjendje të llogarisë edhe mbështetjen e partisë së djathtë Os Republicanos.

Një tjetër opsion mund të jetë që të përdor një mekanizëm që nuk kërkon që reforma të dorëzohet për votim.

Kjo reformë është një nga masat kyçe të premtuara nga Macron, gjatë fushatës që e çoi atë në rizgjedhje në prill, pasi pandemia e Covid-19 e detyroi të tërhiqej nga përpjekja e parë.

Tetë sindikatat kryesore janë kundër dhe kanë bërë thirrje për një ditë të re protestash më 31 janar, pas një mobilizimi të suksesshëm të enjten e kaluar.

*TiboNews

You don't have permission to register