Home Office ka nisur një fushatë reklamuese që synon shtetasit shqiptarë për t’i penguar ata të emigrojnë në Britani.

Reklamat, të cilat do të shfaqen në shqip në Facebook dhe Instagram, do të paralajmërojnë se njerëzit do të “përballen me ndalimin dhe largimin” nëse bëjnë udhëtimin e paligjshëm.

Qeveria tha se fushata, duke filluar javën e ardhshme, do t’i “bëjë të qarta rreziqet” me të cilat përballen emigrantët në varka të vogla.

Laburistët thanë se nisma “cënon besimin” dhe sistemi i azilit ishte “në kaos”.

Sipas Home Office, Shqipëria është një “vend i sigurt dhe i begatë” dhe shumë shtetas “po udhëtojnë nëpër vende të shumta për të bërë udhëtimin në Britani përpara se të bëjnë “kërkesa të rreme për azil kur mbërrijnë”.

Fushata pason një lëvizje të ngjashme në mediatsociale të nisura nga qeveria në gusht të vitit të kaluar.

Ministri i Emigracionit Robert Jenrick tha se fushata do të “funksiononte në mënyrë proaktive përpara se njerëzit të niseshin në udhëtime të rrezikshme dhe të panevojshme”.

Shqipëriarezulton kombësia më e zakonshme e emigrantëve që aplikojnë për azil në Britani deri në mars 2023, me 13,714 aplikime nga shtetas shqiptarë.

Midis janarit dhe marsit, 1% e mbërritjeve me varka të vogla ishin nga Shqipëria.

Jenrick tha: “Ne jemi të vendosur të ndalojmë anijet dhe fushata, e nisur në Shqipëri këtë javë, është vetëm një komponent i punës së Home Office për të ndihmuar në rrëzimin e miteve rreth udhëtimeve të paligjshme në Britani, për të shpjeguar realitetet dhe për të luftuar gënjeshtrat të shitura nga kontrabandistët e këqij që përfitojnë nga kjo tregti e ndyrë”.

Qeveria nuk ka dhënë detaje se sa pritet të kushtojë reklamimi.