AlbanianEnglish

Prezantohet projekti, Manastirliu: Gati investimi në Poliklinikën e Elbasanit

Poliklinika e Specialiteteve të Elbasanit, një investim i shumëpritur nga banorët e këtij qyteti, do të rehabilitohet këtë vit me buxhetin e vitit 2023 të Ministrisë së Shëndetësisë dhe Mbrojtjes Sociale.
Lajmin e bëri me dije Ministrja e Shëndetësisë dhe Mbrotjes Sociale Ogerta Manastirliu gjatë inspektimit në Poliklinikën e qytetit, bashkë me drejtuesin politik të PS për Qarkun e Elbasanit, Damian Gjiknuri dhe Kryetarin e Bashkisë së Elbasanit Gledian Llatja.
“Ky do të jetë një investim rreth 160 milion lek nga buxhetit të shtetit. Jemi të përgatitur që përveç investimeve në infrastrukturë për pacientët dhe për kushtet e punës për mjekët, janë 30 kabinete që janë në këtë poliklinikë ku kemi gjithashtu edhe pajisje duke filluar edhe nga grafia dhe pajisje të tjera dhe do të vijojmë investimet në pajisje që të mbyllim ciklin e kujdesit ambulator për pacinetin”- u shpreh Manastirliu.
Duke folur për domosdoshmërinë e këtij invetimi drejtuesi politik i Partisë Socialiste të Qarkut Elbasan Damian Gjiknuri tha se do të jetë një ndryshim rrënjësor.

“Më vjen mirë që me fillimi i këtij viti na gjen me lajmet e mira që ndau me ne Ministrja. Realisht do të jetë një ndryshim rrënjësor në këtë godinë”.

Kryetari i Bashkisë së Elbasanit Gledan Llatja u shpreh se rikonstuksioni total i kësaj godine në qendër të qytetit ishte mëse i nevojshëm për të ofruar një shërbim sa më të mirë për qytetarët.
Rikonstruksion i plotë i godinës së Poliklinikës se Specialiteteve Elbasan, është një investim që do të realizohet gjatë këtij viti, investim i Ministrisë së Shëndetësisë dhe Mbrojtjes Sociale. Poliklinika e Elbasanit ofron shërbim shëndetësor ambulator të organizuar në 30 kabinete mjeksore me 19 specialitete të ndryshme të sëmundjeve interne.
Me buxhetin e vitit 2023 Ministria e Shëndetësisë dhe Mbrojtjes Sociale do të rikonstuktojë edhe Poliklinikën e Durrësit dhe Shkodrës.

You don't have permission to register