Porsche është në bisedime me Google përsa i përket përdorimit të aplikacioneve të saj në navigatorët e modeleve të reja të makinave.

Një burim i Reuters thotë se prodhuesi i makinave luksoze mund të integrojë plotësisht softuerin e gjigantit të teknologjisë në automjetet e tij.

Kjo mund të lejojë që drejtuesit e këtyre makinave të përdorin aplikacione si Google Maps pa e lidhur navigatorin e automjeteve të tyre me celularin.

Raportet e mediave gjermane thonë se Porsche me parë ka hezituar që të përdorte softuerin e Google.

Firmat e teknologjisë nga Google tek Apple dhe Amazon janë në një garë për të kontrolluar panelet e prodhuesve të automjeteve.

Firmat duke përfshirë General Motors, Renault dhe Ford përdorin tashmë sistemet e Google në automjetet e tyre.

*TiboNews