Policia e Torontos vrau një burrë që kalimtarët thanë se mbante një pushkë teksa ecte rreth një zone ku ndodhen disa shkolla në pjesën lindore të qytetit.

Paniku në Scarborough të enjten pasdite bëri që zyrtarët e shkollës të merrnin masa mbrojtëse duke u thënë qindra nxënësve të fshiheshin nën tavolinat e tyre, në disa raste për rreth dy orë, derisa të kalonte rreziku.

Incidenti ndodhi vetëm dy ditë pasi një adoleshent i armatosur vrau 19 nxënës të shkollave fillore dhe dy mësues në Teksas.