Plagët mund të “ngjiten” dhe jo të qepen, fal shkencëtarëve zviceranë

Shkenca duket se po përparon çdo ditë e më tepër në lidhje me mjekësin. Këtë herë risia vjen nga shkencëtarët zvicerianë të cilët po zhvillojnë një metodë për të “ngjitur” plagët në vend që t’i qepin, pasi kjo mund të ndihmojë në parandalimin e komplikimeve kërcënuese për jetën e shkaktuar nga qepjet.

Një ekip kërkimor nga Laboratori Federal Zviceran për Shkencën dhe Teknologjinë e Materialeve (Empa) dhe Instituti Federal i Teknologjisë ETH Cyrih ka aplikuar tani për një patentë për procesin.

Për të trajtuar plagët, studiuesit kanë zhvilluar një pastë proteinike xhelatine që shërben si ngjitës. Pasta përmban dy lloje nanogrimcash: të ashtuquajturat nanogrimca të nitridit të titanit, të cilat shndërrojnë dritën në nxehtësi kur pasta rrezatohet me lazer dhe nxehet.

Një lloj tjetër nanogrimcash janë grimcat vanadate të bismutit, të cilat veprojnë si një lloj termometri, tha Empa, duke deklaruar se këto grimca lëshojnë dritë të një gjatësi vale të caktuar në varësi të temperaturës dhe kështu mundësojnë kontroll të saktë të temperaturës në kohë reale.

Në testet laboratorike me mostra të ndryshme të indeve të organeve, të tilla si, për shembull, pankreasi ose mëlçia, studiuesit arritën shërim të shpejtë dhe të qëndrueshëm të plagëve. Testet ishin gjithashtu të suksesshme në indet nga uretra, tubat fallopiane dhe zorrët, tha Empa.Rezultatet e hulumtimit u publikuan në revistën “Small Methods”.