Nga dita e sotme, Rusia nis një mobilizim të pjesshëm ushtarak. Pra do t’i nënshtrohen rekrutimit vetëm ata qytetarë që janë në rezervë dhe mbi të gjitha ata që kanë shërbyer në forcat e armatosura, kështu u shpreh presidenti rus, Vladimir Putin në një fjalim drejtuar kombit në orët e para të mëngjesit të së mërkurës.

“Për të mbrojtur atdheun tonë, sovranitetin dhe integritetin e tij territorial, për të garantuar sigurinë e popullit dhe popullit tonë në territoret e çliruara, e konsideroj të nevojshme të mbështes propozimin e Ministrisë së Mbrojtjes dhe Shtabit të Përgjithshëm për të kryer mobilizim të pjesshëm të Federatës Ruse,” tha ai.

Në deklaratën e tij, Putin akuzoi Kievin se po tërhiqej nga bisedimet e paqes, duke vepruar me urdhër të drejtpërdrejtë nga aleatët perëndimorë.

“Pasi regjimi i Kievit refuzoi sot publikisht një zgjidhje paqësore të problemit të Donbasit dhe, për më tepër, shpalli pretendimin e tij për armë bërthamore, u bë absolutisht e qartë se një ofensivë e re e radhës në shkallë të gjerë në Donbas, siç kishte ndodhur tashmë dy herë më parë, ishte e pashmangshme.”

Ai theksoi se do të mbështesë referendumet në rajonet e Ukrainës dhe çdo prekje e tyre do të çonte në një përshkallëzim të luftës.