AlbanianEnglish

Përmirësohet situata në Twitter

Kompanitë Amazon dhe Apple planifikojnë të rifillojnë reklamat në Twitter.

Kjo është ajo çfarë raportojnë mediat ndërkombëtare që thonë se platforma ka ofruar stimuj për agjencitë e reklamave për të rritur shpenzimet e tyre në platformë.

Sipas kompanisë kjo është koha kur kanë parë më shumë reklamues se kurrë në Twitter, kjo edhe si pasojë e shifrave të audiencës që u publikuan para disa ditësh mbi rritjen e aktivitetit të përdoruesve në platformë.

Platformer News raportoi se Amazon planifikon të investojë 100 milionë dollarë në vit për reklamat e saj në rrjetin social Twitter.

Media të ndryshme shkruajnë se Elon Musk ka deklaruar rikthimin e Apple me reklamat e saj në platformë duke e konsideruar këtë të fundit si reklamuesin më të madh në kompani.

Megjithatë vetë Musk ka deklaruar se Twitter po sheh një rënie “masive” të të ardhurave.

*TiboNews

You don't have permission to register